Iech bin gebore in Mestreech op 7 oktober 1955 en waor ‘nne groete baby dee 5 kilo en 3 oons woog. Mien awwerlek hoes stoond in “Bosscherveld” en dao höb iech mer twie maond gewoend umtot dit te klein waor veur miene pap en mam en twie breurs (toen). Veer zien toen in Braniemeekers riek goon woene op de Sionsweeg 21.

De Kakkesjaol höb iech doorloupe in Lummel en ouch de ierste klas. Dao höb iech ouch mien kemunie gedoon. In 1963 zien veer verhuis naor ut Heugemerveld umtot ut huiske te klein waor gewore veur e gezin mèt zeve keender. De basissjaol, die ouch nòg ins bove de vrije jäög laog, bin iech begòs in de twiede klas en höb iech hei doorloupe. Iech höb al mien sjaole aofgemaak zoeës De veurmalige Geusselt MAVO en de MEAO. In 1978 bin iech in militaire deens mote goon en in dat jaor bin iech ouch mèt mien vruike Corry getrouwd. In juli 1980 höbbe veer us awwerlek hoes verlaote èn zien veer verhuis naor de Cantecleerstraot in Malpertuis. Op ein september 1979 bin iech goon wèrreke beij de gemeinte Mestreech. In 1986 zien veer trök gekoume naor ut Heugemerveld umtot us fletsje te klein waor veur us gezinneke mèt twie keender Tamara en Kevin. 

3 fibberwarie höb iech miene lètste daag op ut wèrrek gemaak èn bin begòs aon mien groete vekansie. Iech höb noe ‘nne nuije baas: “CEO Corry”. Ut te doen lieske hingk veerdig dus iech hoof miech neet te vervele. Ouch mien vijf kleinkeender, Milan, Jayda, Mick, Zoë en Kiki “boe iech gruuts op bin” die kriege noe nog miejer aondach vaan miech!!! Es veer mèt zien alle bijein zien, dao kin iech ut mieste vaan genete.

Iech haw vaan campinglive. Camperen zit miech in ut blood en daon iech hiel gére mèt mien vruike. Op de camping in Luxemburg höbbe veer al vaanaof 2002 us boete verblief. Fietse mèt miene renfiets door ut Heuvelland en zèllefs naor Luxemburg daon iech ouch gére. ‘Nne aandere hobby vaan miech is voetballe. Vreuger zèllef gedoon en noe bin iech zeker 3 daog in de week op ut voetbalterrein in Sjaan te vinden es assistent coach bij mien kleinkeender Milan en Mick. Curacao èn Rhodos dao höbbe veer gèt mèt. Zoe gaw es de meugelekheid besteit daan zien veer dao.

In 1989 zien veer bij De Kluivers gekoume, same met Mieke en Chris Luijten. Dus veer zien blievers. Iech höb alle functies bij de Kluivers al doorloupe èn bin zèllefs Iere Lid. Prins zien is ut einige wat iech nog neet gewees bin!!!